LIVE TV
ഹൃത്വിക് റോഷനെ നായകനാക്കി അയൻ മുഖർജി ഒരുക്കുന്ന സ്പൈ ആക്ഷൻ ചിത്രമാണ് വാർ 2 . തെലുങ്ക് സൂപ്പർതാരം ജൂനിയർ എൻടിആറും സിനിമയിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ബോളിവുഡിലെ ഹിറ്റ് സിനിമാറ്റിക് യൂണിവേഴ്‌സ് ആയ യഷ് രാജ് ഫിലിംസിന്റെ സ്പൈ യൂണിവേഴ്സിലെ ഏറ്റവും പുതിയ ചിത്രമാണ് ഇത്. സിനിമയുടെ ടീസർ നേരത്തെ പുറത്തുവന്നിരുന്നു. ഇപ്പോഴിതാ സിനിമയിലെ ഹൃത്വികിന്റെയും ജൂനിയർ എൻടിആറിൻ്റെയും കിയാരയുടെയും ക്യാരക്റ്റർ പോസ്റ്ററുകൾ പുറത്തുവന്നിരിക്കുകയാണ്.
ടീസറിന് പിന്നാലെ ഇത് ആദ്യമായിട്ടാണ് ചിത്രത്തിലെ കിയാരയുടെ ലുക്ക് പുറത്തുവിടുന്നത്. ആക്ഷൻ നിറഞ്ഞ ഒരു പക്കാ കൊമേർഷ്യൽ സിനിമയാകും വാർ 2 എന്നുറപ്പിക്കുന്നതാണ് ഇപ്പോൾ പുറത്തുവന്ന പോസ്റ്ററുകളും. അതേസമയം സിനിമയുടെ നേരത്തെ പുറത്തുവന്ന ടീസറിന് മോശം പ്രതികരണങ്ങളാണ് ലഭിച്ചത്. ചിത്രത്തിന്റെ മേക്കിങ്ങിനും വിഎഫ്എക്സിനും ആക്ഷൻ സീനുകൾക്കും വിമർശനങ്ങൾ ഉയരുന്നുണ്ട്. ഈ സ്പൈ യൂണിവേഴ്സിന്റെതായി നേരത്തെ പുറത്തിറങ്ങിയ സിനിമകളെ ഓർമിപ്പിക്കുന്ന തരത്തിലുള്ള മേക്കിങ് ആണ് വാറിന്റേതെന്നും ഔട്ട്ഡേറ്റഡ് ആയി തോന്നുന്നു എന്നുമാണ് പ്രേക്ഷകരുടെ കമന്റ്. മൗണ്ടെൻ ഡ്യൂ പരസ്യം പോലെയാണ് ടീസർ ഉള്ളതെന്നും അഭിപ്രായങ്ങളുണ്ട്.
He's resolute and fearless. And he will never stop hunting. WAR is coming! #50DaystoWar2
— Hrithik Roshan (@iHrithik) June 26, 2025
Releasing in Hindi, Telugu & Tamil on August 14th in cinemas worldwide!@tarak9999 | @advani_kiara | #AyanMukerji | @yrf | #War2 | #YRFSpyUniverse pic.twitter.com/GxiQxYu1fe
This time he’s ruthless, merciless, relentless and ready for WAR.
— Hrithik Roshan (@iHrithik) June 26, 2025
Are you?
The countdown begins now. #50DaystoWar2
Releasing in Hindi, Telugu & Tamil on August 14th in cinemas worldwide!@tarak9999 | @advani_kiara | #AyanMukerji | @yrf | #War2 | #YRFSpyUniverse pic.twitter.com/cs4LKHaa9C
She's lithe, lethal and locked on target. This is WAR! #50DaystoWar2
— Hrithik Roshan (@iHrithik) June 26, 2025
Releasing in Hindi, Telugu & Tamil on August 14th in cinemas worldwide!@advani_kiara |@tarak9999 | #AyanMukerji | @yrf | #War2 | #YRFSpyUniverse pic.twitter.com/jzVSkk9cmh
ആഗസ്റ്റ് 14 ന് വാർ 2 ലോകമെമ്പാടുമുള്ള തിയേറ്ററുകളിൽ റിലീസ് ചെയ്യും. മേജർ കബീർ ധലിവാൾ എന്ന റോ ഏജന്റിനെയാണ് ചിത്രത്തിൽ ഹൃതിക് റോഷൻ അവതരിപ്പിക്കുന്നത്. യഷ് രാജ് പ്രൊഡക്ഷൻസിന്റെ ബാനറിൽ ആദിത്യ ചോപ്രയാണ് 'വാർ 2' നിർമിക്കുന്നത്. ജൂനിയർ എൻടിആറിന്റെ ആദ്യ ബോളിവുഡ് ചിത്രമാണിത്. സ്പൈ യൂണിവേഴ്സിലെ ആറാമത്തെ ചിത്രമാണ് 'വാർ 2'. 'ബ്രഹ്മാസ്ത്ര' എന്ന ചിത്രത്തിന് ശേഷം അയൻ മുഖർജി സംവിധാനം ചെയ്യുന്ന ചിത്രമാണിത്. സിനിമയിൽ ഷാരൂഖ് ഖാന്റെ പത്താനും സൽമാൻ ഖാന്റെ ടൈഗറും കാമിയോ വേഷങ്ങളിലെത്തുമെന്ന റിപ്പോർട്ടുകളുമുണ്ട്.
Content Highlights: War 2 reconfirms release on August 14 with Coolie
